Џенифер Лопез и кралицата Ранија присуствуваа на дискусијата за родова еднаквост, организирана од Фондацијата на Обединетите Нации.
На средбата која се одржа во ресторанот „Четири сезони“ во Менхетен, Лопез официјално беше претставена како првиот глобален амбасадор за девојки и жени во Фондацијата на ОН.
„Среќна сум што ќе се приклучам во Фондацијата на ОН и желна сум да го позајмам мојот глас за секоја девојка и жена да биде безбедна, здрава и образована“ – изјави 46-годишната актерка и пејачка.
Џенифер ја доби новата улога во ОН заради нејзината работа во Фондацијата на семејството Лопез, фокусирана на подобрување на здравјето и благосостојбата на жени и деца.
На настанот во Њујорк, Лопез беше во придружба на своето момче Каспер Смарт.
Кралицата Ранија од Јордан ја поздрави Лопез и ја покажа својата поддршка на иницијативи поврзани со родовата еднаквост, како иницијативата „Every Woman, Every Child“.