Гвинет Палтроу, Кејт Хадсон, Ана Винтур, Џоан Смолс, Џордан Дан и Ешли Греам се само дел од ѕвездите кои присуствуваа на синоќешниот хуманитарен настан Golden Heart Awards.
Настанот беше организиран од добротворната организација „God’s Love We Deliver“, која се занимава со обезбедување на оброци за лица кои живеат со рак, сида и други тешки болести, поради што не се во можност да купуваат намирници и самостојно да ја подготвуваат храната. Организацијата обезбедува околу 6.600 оброци дневно, кои ги подготвува и дистрибуира тим од преку 10.000 волонтери.
Повеќето од ѕвездите блескаа во креации на Мајкл Корс. Особено воодушевуваше светкавата креација во која беше облечена Гвинет Палтроу. Припиениот фустан од кој ѝ се проѕираше кожата, Палтроу го искомбинира со сребрени сандали.
Елегантната 45-годишна актерка беше наградена за својот хуманитарен и филантропски ангажман и беше пресреќна кога ја прими наградата „Мајкл Корс“.
Кејт Хадсон се одлучи за црвен, припиен фустан од Мајкл Корс и штикли со нежна, кремова нијанса.
Ана Винтур се појави со своите препознатливи темни очила и фустан со интересен, релјефен дезен.
Ангелот Џасмин Тукс носеше впечатлив, светкав комбинезон, а својата тенка фигура ја истакна со ист колан.
Џордан Дан блескаше во креација на Мајкл Корс со гепардски принт и длабоко деколте.
29-годишниот модел Ешли Греам ги истакна облините во асиметрично црно-бело здолниште со висок шлиц и црн колан.
Меги Џиленхол се одлучи за цветен принт. Сакото на Мајкл Корс со сино-бели цветови го комбинираше со долг фустан од истиот материјал, но со жолто-бели цветови.
Џоан Смолс привлече многу погледи во откопчана кошула, цветни панталони, бело сако и бели сандали.
Меѓу гостите на настанот беше и Каролина Ерера. Славната дизајнерка ја надополни црната креација со впечатлив златен накит.
Хилари Ронда, заштитното лице на козметичкиот бренд Estee Lauder, носеше темноцрвена креација со леопардски принт, а високиот шлиц ѝ ги истакнуваше долгите нозе.
Погледнете како изгледаа останатите гости на Goloden Heart Awards: