Кети Пери и Орландо Блум се релаксираат во Малибу. Новиот холивудски пар беше фотографиран од папараците додека се бакнуваше на клупа и уживаше под сончевите зраци.
„На Кети ѝ се допаѓа колку приземјен е Орландо. Тие изгледаат како врската да им станува сериозна и официјално се пар. Таа го нарекува него свое момче“ – изјавил извор близок на парот.
31-годишната музичка ѕвезда и 39-годишниот холивудски актер често се фотографирани заедно.
Нивната врска беше потврдена откако беа фотографирани на одмор на Хаваи.
Блум претходно беше во брак со Миранда Кер, а се разделија во 2013 година. Пери исто така зад себе има еден брак. Таа се разведе од Расел Бренд во 2012 година.
