Меган Фокс и Брајан Остин Грин уживаат под сонцето на Хаваи, каде пред речиси осум години си го кажаа судбоносното „ДА“.
31-годишната актерка и 44-годишниот актер беа фотографирани по костими за капење на плажата Кајлуа Кона. Атрактивните партнери ги покажаа своите мускулести тела и добија многу комплименти.
Брајан и Меган заедно имаат три сина – 5-годишниот Ноа, 4-годишниот Боди и едногодишниот Џурни.
Холивудските ѕвезди ја започнаа својата врска во 2004 година, а 6 години подоцна стапија во брак. Во август 2015 година тие поднесоа документи за развод, но по веста за бременоста, одлучија да останат заедно.