Новиот филм „Songbird“ се темели на нашите најголеми стравови поврзани со пандемијата – коронавирусот мутира, станува далеку посмртоносен и светот е во карантин со години.
Првиот трејлер покажува дека светот живее во страв, сите се затворени веќе 4 години, а заразените се присилно носени во карантински кампови.
Во дистописки услови, Нико (Кеј Џеј Апа), кој е имун на вирусот, се обидува да стигне до неговата сакана Сара (Софија Карсон).
„Тоа се Ромео и Јулија, но се разделени од нејзината влезна врата и од вирусот“ – вели режисерот Адам Мејсон. Во улога на продуцент влезе Мајкл Беј, а свои улоги имаат и Александра Дадарио, Деми Мур, Бредли Витфорд и Крег Робинсон.
