Кејт Хадсон се породи. 39-годишната актерка и нејзиниот партнер Дени Фуџикава го добија своето прво заедничко дете.
Холивудската ѕвезда ја сподели среќната вест на својот профил на Instagram и откри дека нивната ќеркичка ќе се вика Рони Роуз.
„Одлучивме да ја крстиме нашата ќерка Рони по нејзиниот дедо Рон Фуџикава. Рон беше специјален маж кој на сите ни недостига. Чест ни е да ја крстиме по него“ – стои во постот.
Пред една недела, Хадсон организираше забава по повод претстојното раѓање на бебето.
Кејт и Дени се познавале долги години пред да започнат да се состануваат. Хадсон сподели дека нивниот прв состанок бил во декември 2016 година, но тие ја открија својата врска пред јавноста во мај 2017 година.
Кејт има уште две други деца од претходни врски: 7-годишниот Бингхам од врската со Мет Балами и 14-годишниот Рајдер од бракот со Крис Робинсон.
