Каролина Гочева со посебни емоции ги одржа двата концерти во Битола, бидејќи како што вели таа „Никаде не е како дома“.
Во родниот град, 37-годишната пејачка доби голема поддршка од семејството и пријателите, а огромно внимание привлече нејзината поврзаност со двете мали внуки Луција и Инес.
На вчерашното шоу, едногодишната Инес застана пред бината и играше, а Каролина клекна и ѝ пееше.
Пред концертот во вторникот, Каролина сподели видео и фотографија од слатката Луција од зад сцената.
Двете ќерки на сестрата на Каролина на крајот на концертот се качија на сцената и пееја со тетка им.
Пред неколку дена, Гочева сподели уште една фотографија со Луција.
Во Центарот за култура, Каролина во живо ги изведе сите десет песни од новиот албум „Извор“, а потоа ја потсети публиката на хитовите од албумот „Македонско девојче 2“.
Фотографии: Сашо Богоевски и Агим Џело