Алекса Перовиќ го доби третото дете.
29-годишниот српски пејач, кој се прослави со учеството во Х-фактор заедно со Даниел Кајмакоски, сподели дека повторно стана татко. Алекса му посака добредојде на првото дете со новата сопруга Исидора, со којашто стапи во брак во март оваа година.
Бебенцето е момче и го доби името Мијат.
Победникот во 11-тата сезона од шоуто „Ѕвездите на Гранд“ сподели фотографии од породувањето и од бебенцето и ѝ се заблагодари на сопругата што на свет „донесе мала, а голема душа“. Перовиќ беше присутен во породилната сала и им препорача на сите мажи да го направат истото.
„Ти благодарам љубов што беше храбра, присутна и што соработуваше... Сигурен сум дека ќе бидеш најдобрата мајка на светот! Ти благодарам за емоциите кои не знаев дека можам да ги доживеам... На сите мажи, искрено ви препорачувам да бидете тука, на ова место. Не ги слушајте оние кои велат дека на татковците не им е тука местото и дека не треба да го гледаат сето тоа...“ – стои во неговата објава.
Претходно, Алекса беше во брак со Милица, со која тајно се разведе во 2023 година. Заедно имаат две ќерки.
