Додека Новак Ѓоковиќ нижи победи на Вимблдон и веќе е во полуфиналето, неговите две деца се забавуваат на поинаков начин на тенискиот турнир.
Синот на Новак и Јелена, Стефан, одамна им е миленик на тениските фанови, но оваа година привлекува внимание со нова занимација. На своето капче, 10-годишното момче собира потписи од учесниците на турнирот како Арина Сабаленка, Григор Димитров, Карлос Алкараз, Александар Зверев и други, но недостасува потписот на неговиот татко.
За оваа ситуација, српскиот тенисер зборуваше пред новинарите на прес-конференција:
„Син ми има автограм од сите, освен од мене. Сам ги набави тие автограми. Независно од мене им приоѓаше на играчите. Можеби само му помогнав да добие од Јаник, на сите останати сам им пријде. Стефан игра тенис, пресреќен е, има потписи од сите, освен од мене и тоа го разбирам“ – рече Ноле.
@alarabiya_eng Serbian Tennis Star Novak Djokovic shares a lighthearted moment about his son Stefan's multi-autographed cap that caught people's attention from Wimbledon's stands. #NovakDjokovic ♬ original sound - Al Arabiya English
Додека Стефан собира потписи, Тара не ја интересира тенисот. Сè што ја интересира е што прави Арина Сабаленка, па дури изразила желба да оди кај неа на гости.
„И на Тара ѝ е интересно, иако таа не игра тенис. Сабаленка ѝ е омилена и само таа ја интересира, што прави и така натаму. Постојано прашува дали може да оди дома кај Сабаленка, затоа што Сабаленка ја покани дома бидејќи има асаи бобинки во фрижидерот. Пред некој ден бевме, па ни даде од нив, па Тара само на тоа размислува, не ја интересира тенисот, туку само тие асаи, ако може да јаде со неа“ – рече Ѓоковиќ.
И Јелена, сопругата на Новак, е меѓу присутните гости на трибините и постојано навива за него.
