Горан Папаз и Наташа Атанасовска ја прославија 3-годишнината од бракот.
Македонскиот саксофонист не скри колку ја сака сопругата која минатата година му роди тројка. Во пораки на Instagram, двајцата си споделија романтични пораки, а објавија и фотографии од трите бебиња и синчето кое Горан го има од првиот брак.
„Среќна годишнина совршенство мое. Ти си многу повеќе од тоа што сум го посакувал во животот, и не знам на каков начин да ти покажам колку те сакам, освен дека те сакам повеќе од вчера, секој ден. Ти благодарам што постоиш, што ме правиш најсреќен, најсмирен и најисполнет. Те сакаме сите петмина бескрајно!“ – напиша Папаз.
Подоцна и Наташа објави фотографија од целото семејство со текст:
„Три години од официјалното ‘ДА’ за да бидеме најдобриот тим и да бидеме вака прекрасно семејство. Оваа година сме двојно повеќе членови. Те сакам засекогаш“.
Поранешниот член на групата Суперхикс и неговата сакана стапија во брак во јули 2022 година, а нивната тројка се роди на крајот од декември 2024 година. Неговото синче од првиот брак се вика Дамиан.
