Серхио Рамос ќе заплива во брачните води. Славниот фудбалер ѝ предложи брак на својата девојка Пилар Рубио со која има три деца.
32-годишниот фудбалер ја запроси 40-годишната водителка за време на романтична вечера. И двајцата објавија исти фотографии од специјалната ноќ за да ја споделат убавата вест со своите фанови.
Најголемото синче на ѕвездата од Реал Мадрид и Пилар се роди во 2014 година и го доби името Серхио по својот славен татко, додека вториот син Марко дојде на овој свет во ноември 2015 година.
Пилар го роди малиот Алехандро во март оваа година.
Среќниот пар моментално е на одмор со синчињата, од каде сподели фотографии и видеа.
Пилар кратко по породувањето се врати во фит форма.
Серхио и Пилар се во врска од 2012 година.