Со победата над Ливерпул, Серхио Рамос стигна до својата четврта титула во Лигата на шампионите. Капитенот на Реал Мадрид славеше на големиот терен со своето семејство.
32-годишниот фудбалер доби бакнежи од 40-годишната девојка Пилар Рубио и се забавуваше со синчињата откако го подигна пехарот со својот тим.
Серхио и Пилар се во врска од 2012 година. Нивното најголемо синче се роди во 2014 година и го доби името Серхио по својот славен татко, додека вториот син Марко дојде на овој свет во ноември 2015 година.
Пилар го роди малиот Алехандро во март оваа година и веќе се врати во одлична форма.
Двете синчиња на Рамос присуствуваа и на еден од неговите тренинзи пред големото финале.