„Сакавме дом, а не имот“: Ѕирнете во куќата на Мила Кунис и Ештон Кучер која ја уредувале пет години

Мила Кунис и Ештон Кучер ги отворија вратите од својот дом за Architectural Digest.

За списанието, славната холивудска двојка се фотографираше во куќата која се наоѓа во Лос Анџелес. Имотот на 37-годишната актерка и 43-годишниот актер се протега на површина од 24.000 м². За да го уредат нивното живеалиште, на Мила и Ештон им биле потребни 5 години.

Многумина ќе се изненадат кога ќе откријат дека парот црпел инспирација од Pinterest.

„Сакавме дом, а не имот“ – рекла Кунис.

„Сакавме куќата да изгледа како стара штала, како нешто кое било тука со децении, а потоа било претворено во куќа. Но, исто така треба да биде соодветно и модерно“ – објаснил Кучер.

На имотот уреден по нивен вкус, Мила и Ештон живеат со двете деца, ќеркичката Вајат и синот Димитри.