Ромео Бекам раскина со Ким Тарнбул, која наводно била причината за раздорот во семејството Бекам.
22-годишниот син на Дејвид и Викторија Бекам и 24-годишната девојка се разделиле три недели по 50-тиот роденден на Дејвид.
Раскинувањето доаѓа откако повеќе извори потврдиле дека Ким стои во центарот на неодамнешните скандали. Наводно, браќата Ромео и Бруклин престанале да зборуваат и да комуницираат меѓусебно откако Ромео започнал да се состанува со неа.
И Бруклин пред неколку години имал романтична врска со Ким. Иако таа романса е зад него и тој е во среќен брак со Никола Пелц, извори потврдиле за TMZ дека Бруклин се сомневал во намерите на Ким и со сопругата не сакале да присуствуваат на ниту еден собир со неа.
Најверојатно тоа е и причината за да ги пропуштат семејните собири пред и за 50-тиот роденден на Дејвид, како и ревијата на Викторија во Париз.
Странските медиуми пренесуваат дека Никола и Бруклин сакале да го прослават роденденот на Дејвид на одделен мал собир, но дека тој не прифатил и ги поканил да бидат дел од големата забава.
Она што е интересно е дека Ромео објави фотографија од роденденот на Дејвид и напиша: „Семејството е сè“.
