Кетрин Зета-Џонс и нејзиниот сопруг Мајкл Даглас се родени на ист датум.
Вчера, убавата актерка го прослави својот 49-ти роденден, додека славниот оскаровец наполни 74 години.
За да му го честита роденденот на саканиот, Кетрин сподели видео од неговата улога во филмот „The American President“ од 1995 година, како и од изведбата на Мерилин Монро на „Happy Birthday, Mr. President“од 1962 година. Во описот, таа напиша:
„Среќен роденден на мојот Претседател! Мојот сопруг Мајкл. Претпоставувам дека тоа ме прави мене Прва дама! Почудни работи се имаат случено!“
„Упс, и мене ми е роденден.“
Подоцна, Кетрин сподели уште едно забавно видео во кое со Мајкл јадат торта. „А потоа близнаците по родендени јадеа торта!“ – напиша таа.
Кетрин и Мајкл се запознаа на Филмскиот фестивал во Довил, Франција, во 1998 година, а се свршија една година подоцна. Нивната свадба се одржа на 18 ноември 2000 година откако Мајкл официјално се разведе од првата сопруга.
Парот има две деца, 18-годишниот Дилан и 15-годишната Карис.
