Ријана е најбогатата музичарка на планетата. Forbes ја стави славната пејачка на листата со милијардери.
Но, најголемиот дел од нејзиното богатство не доаѓа од музиката, туку од нејзината козметичка компанија.
33-годишната музичарка, модна дизајнерка и актерка во 2017 година ја лансираше инклузивната компанија Fenty Beauty, која заедно со компанијата за долна облека Savage x Fenty ѝ помогнаа да создаде богатство од 1,7 милијарда долари.
Најголем дел од парите кои ги поседува Ријана се од Fenty Beauty – 1,4 милијарда долари, додека од Savage x Fenty, таа заработила 270 милиони долари.