Џејн Фонда се отвори за здравствените проблеми со кои се соочува. 84-годишната актерка сподели дека има рак и дека веќе шест месеци прима хемотерапија.
На холивудската ѕвезда ѝ бил дијагностициран не-Хочкинов лимфом, кој во најголем дел од случаите е излечив.
„Драги пријатели, сакам да споделам нешто многу лично со вас. Дијагностициран ми е не-Хочкинов лимфом и почнав со хемотерапија. Ова е рак кој се карактеризира како многу излечив. Дури 80 отсто од луѓето го преживуваат, па се чувствувам многу среќна поради тоа. Исто така, среќничка сум што имам здравствено осигурување и пристап до најдобрите третмани и доктори. Знам, и ме боли, што сум привилегирана. Речиси секое семејство во Америка се справува рак во одреден момент, а премногу од нив немаат пристап до квалитетната здравствена заштита што јас ја добивам, а тоа не е во ред.“
„Примам хемотерапија шест месеци и одлично се справувам со лекувањето. Ракот е учител и посветувам многу внимание на лекциите на кои ме учи. Едно нешто кое што ми го покажа е важноста на заедницата. За растењето и продлабочувањето на општеството за да не сме сами. И ракот – заедно со мојата возраст – дефинитивно учи на важноста за приспособување на новите реалности“ – стои во нејзината порака.
Џејн Фонда на премиера во април оваа година
Фонда пред повеќе од една деценија се бореше со рак на дојка. Таа ја победи болеста во 2010 година.
