Пријанка Чопра и нејзиниот свршеник Ник Џонас беа дел од славните парови кои присуствуваа на прославата по повод 50-годишнината од постоењето на брендот Ралф Лорен.
Многумина беа изненадени кога 36-годишната актерка и 25-годишниот пејач се појавија на настанот во речиси идентични стајлинзи како оние на Џенифер Лопез и Алекс Родригез од насловната страница на декемвриското издание на Vanity Fair.
Чопра и Џонас изгледаа заљубено и среќно додека позираа пред објективите на фоторепортерите.
Тие се верија во јули годинава, по два месеци врска.