За неколку месеци, обожавателите на дизниевите бајки ќе можат да уживаат во филмската верзија на приказната за „Убавицата и ѕверот“. Засега, објавени се две фотографии кои барем малку ќе ја задоволат љубопитноста на милиони фанови кои со нетрпение ја очекуваат премиерата.
На едната од фотографиите, Бела (Ема Вотсон) и ѕверот (Ден Стивенс) танцуваат. Ема изгледа како вистинска принцеза во прекрасниот жолт балски фустан.
На другата фотографија, Ема е прикажана како скромната девојка која е заљубена во книгите.
Арогантниот Гастон ќе биде оживеан на филмското платно од Лук Еванс.
Филмот, режиран од Бил Кондон, ќе започне да се прикажува во киносалите на 17 март следната година.
Потсетете се и на првото објавено видео од филмот:
