Александар Димитровски-Мачка го прослави својот 45-ти роденден.
Поранешниот македонски кошаркар и репрезентативец уживаше во најубавата придружба на овој специјален ден.
Димитровски во рацете го држеше синчето Максим и се смееше од срце, а неговата сопруга Едина Муса не пропушти да го овековечи овој прекрасен момент.
„Среќен прв роденден како мој тато“ – стои во описот на фотографијата.
Муса објави и уште две други фотографии од нивниот релаксиран продолжен викенд.
Едина и Александар стапија во брак во ноември минатата година, а нивното синче се роди во февруари годинава.
Ова е прво дете за Муса, додека Александар има уште две деца од бракот со Тамара Тодевска.
