Блејк Лајвли постојано нè потсетува зошто стои на листите на најдобро облечени холивудски дами. 28-годишната актерка со уште еден моден погодок мамеше погледи во Њујорк.
Ѕвездата од серијата „Gossip Girl“ беше фотографирана во кратко фустанче од Ели Сааб додека се упатуваше кон студиото на „Today Show“.
Во интервјуто за популарното ТВ шоу, шармантната трудница изјавила дека нејзината ќеркичка Џејмс е најзабавната личност која ја има сретнато во животот. „Секогаш прави нешто забавно и возбудливо. Таа е најзабавното суштество во чија близина сум била во целиот мој живот“ - рекла Лајвли и додала дека сака да има големо семејство.
Блејк и Рајан Рејнолдс го очекуваат своето второ дете. Нивната ќерка Џејмс се роди во декември 2014 година.
По завршувањето на интервјуто, Лајвли беше фотографирана со друг стајлинг. Жолтата креација од Џени Пекам, таа ја надополни со обувки од Кристијан Лобутин и фармерска јакна.