Роби Вилијамс и Ајда Филд ја прославија љубовта на најубавиот начин на Денот на вљубените. Парот објави дека го доби четвртото дете со помош на истата сурогат-мајка која им ја роди и ќеркичката Колет (Коко) во септември 2018 година.
46-годишниот пејач и 40-годишната актерка во тајност ја чуваа веста дека очекуваат уште едно дете, па Филд ги изненади фановите кога објави фотографија од ноџиња на четири деца. Во описот таа напиша:
„Пронајдете ја разликата... Овој Ден на вљубените би сакале да прославиме за љубовта на најневеројатниот начин... Бо Бенедикт Ентовен Вилијамс. Тој е биолошки наш како што е и Коко, но се роди со помош на нашата неверојатна сурогат-мајка. Благословени сме што го имаме нашиот син здрав и безбеден во нашите раце и ние официјално сме комплетно семејство.“
Покрај Бо и Колет, парот има уште две деца – 7-годишната Теодора и 5-годишниот Чарлтон.
Роби и Ајда се заедно од 2006 година, а стапија во брак во август 2010 година.
