Натали Имбрулија има среќна вест.
44-годишната пејачка роди момче кое го доби името Макс Валентин Имбрулија. Музичарката позната по хитот „Torn“ сподели фотографија од рачето на синчето и напиша: „Добредојде на овој свет... Макс Валентин Имбрулија. Срцето ќе ми експлодира“ – пораката беше проследена со љубовни емотикони.
Натали објави дека ќе стане мајка во јули и откри дека бебето е зачнато со ин витро и донор на сперма.
„Не, немам проголтано лубеница. Го очекувам моето прво дете оваа есен. За тие кои ме познаваат, ова е нешто што го посакував долго време и благословена сум што ова е возможно со помош на ин витро и донор на сперма. Нема да зборувам јавно ништо повеќе за тоа. Возбудена сум за авантурата која следува“ – напиша таа.
Натали пет години беше во брак со Даниел Џонс, од кого се разведе во 2008 година. Тие немаа заедничко дете.