Брус Вилис и неговата сопруга Ема Хеминг го прошируваат семејството. 58-годишниот актер и 35-годишниот модел го очекуваат своето второ заедничко дете.
Неодамна среќниот пар беше фотографиран на пазар во Лос Анџелес, а на фотографиите се гледа заобленото стомаче на Ема.
Брус и Ема стапија во брак во 2009 година. Во април минатата година ја добија ќеркичката Мејбел Реј Вилис.
Во неколку наврати Брус отворено зборуваше колку многу е среќен во вториот брак. „Би сакал да имам уште илјада деца или уште нула деца. Не е важно. Ема прави да се чувствувам одлично. Пред да ја запознам Ема бев голем песимист дека ќе ја пронајдам таа специјална жена со која би го поминал остатокот од животот“ – изјавил тој.
Брус Вилис има три ќерки со Деми Мур – Румер (25), Скаут (22) и Талула (19).
