Амал Клуни им се врати на работните обврски три месеци по породувањето. 39-годишната правничка беше фотографирана на аеродром во Њујорк во модерно деловно издание.
Облечена во црвен женски костум со здолниште од Ботега Венета и чевли од Маноло Бланик, Клуни љубезно им се насмевнуваше на папараците додека се упатуваше кон седиштето на Обединетите нации.
Амал има значајна улога во судската битка против Исламската држава (ISIS). Славната адвокатка има голема заслуга што Советот за безбедност на ОН одобри да се оформи тим за истрага и собирање на докази за да ѝ се суди на ИД за воени злосторства, злосторства против човештвото и геноцид.
„Језидите и другите жртви на ISIS сакаат судска правда и не заслужуваат ништо помалку од тоа“ - изјавила Клуни.
Амал и Џорџ Клуни станаа родители на близначињата Александар и Ела во јуни.
