Џесика Алба наскоро ќе го роди третото дете. Славната актерка и бизнис дама беше фотографирана во неколку наврати низ Беверли Хилс за време на претпразничен шопинг и додека ги извршуваше секојдневните обврски.
36-годишната ѕвезда беше уловена од папараците и со сопругот Кеш Ворен и ќеркичките Хонор и Хевен додека купуваа божиќни декорации.
Во последниот триместар од бременоста, Алба преферира лежерен стил на облекување, а нејзините стајлинзи речиси секогаш вклучуваат долги џемпери или мантили.
Пред еден месец, Алба сподели дека третото дете ќе биде момче.