Луисана Лопилато и Мајкл Бубле уживаат во времето поминато со трите мали деца.
31-годишната актерка од серијата „Млади бунтовници“ и 43-годишниот пејач беа фотографирани насмеани и среќни на семејна прошетка со трите мали деца во Ванкувер, Канада. Мајкл ја туркаше количката со 2-годишниот Елијас додека Луисана ја возеше новородената Вида.
На една од фотографиите, Луисана нежно го бакнува во уста 5-годишното синче Ноа, на кое пред две години му беше дијагностициран рак на црниот дроб.
Луисана ја роди ќерката Вида на 25 јули годинава.
Пред околу две недели, Лопилато го придружуваше својот сопруг на добротворен настан во Ванкувер.
