Серена Вилијамс се натпреварува на УС Опен веројатно за последен пат во долгогодишната кариера.
Легендарната 40-годишна тенисерка на теренот изгледаше одлично во црн стајлинг инспириран од уметничкото лизгање, а дизајниран со нејзина помош. Фустанот и патиките надополнети со дијаманти доаѓаат од брендот Nike. На врвките од патиките стојат зборовите „Мама“ и „Кралица“. Здолништето било инспирирано од ноќното небо над стадионот во Њујорк.
Нејзината 4-годишна ќерка Олимпја на најслаткиот можен начин ѝ оддаде почит на мајка си. Не само што малото девојче носеше ускладен фустан со неа, туку и косата ѝ беше собрана во слични плетенки како оние кои Серена ги имаше кога стигна до првиот трофеј на УС Опен во 1999 година.
Во септември, Вилијамс објави дека наближува крајот на нејзината 27-годишна кариера.
Серена објави дека со сопругот Алексис Оханијан го очекуваат првото дете во април 2017 година. Таа беше во 8-мата недела од бременоста кога истата година го освои УС Опен. Серена и Алексис планираат да имаат уште едно дете.
