Ирина Шајк и Бредли Купер продолжуваат да ги разгоруваат шпекулациите дека се повторно заедно.
Поранешниот пар беше фотографиран во Њујорк заедно со ќеркичката Леа Де Сејн. 36-годишната манекенка и 47-годишниот актер го држеа за раце 5-годишното девојче кое среќно чекореше покрај своите родители. Леа изгледаше преслатко во фустанче со реси и ѕвезди од Gucci.
Подоцна, убавата Русинка повторно беше фотографирана на прошетка со Леа.
Шпекулациите дека Ирина и Бредли планираат да ја обноват романсата и да имаат уште деца започнаа да се шират откако таа објави фотографија од нивниот заеднички одмор на Бахамите.
Ирина и Бредли започнаа да се состануваат во 2015 година по нејзината разделба со Кристијано Роналдо. Нивната ќерка се роди во март 2017 година, а две години подоцна тие објавија дека се разделуваат.
