Вил Смит и Џејда Пинкет Смит за првпат заедно се појавија на јавен настан по споделувањето на веста дека се разделени веќе седум години.
55-годишниот актер и 52-годишната актерка прегрнати позираа на синиот тепих на премиерното прикажување на „Bad Boys: Ride or Die“ во Лос Анџелес. Џејда шармираше во креација од Iris van Herpen.
Тие беа придружувани од нивните две деца, 25-годишниот Џејден и 23-годишната Вилоу, а таму беше и 31-годишниот Треј, синот на Вил од претходен брак.
Вил и Џејда започнаа да се состануваат во 1995 година, а во 1997 година стапија во брак. Во интервју во октомври минатата година, Џејда сподели дека тие биле разделени шест години пред скандалот на Оскар, кога Вил му удри шлаканица на Крис Рок на сцената.
