Инцидент се случи на овогодишното доделување на Оскарите.
Поради невкусна шега, Вил Смит се качи на сцената и го удри Крис Рок пред вчудовидената публика.
Причината за тоа беше што тој направи шега за ќелавата глава на неговата сопруга Џејда Пинкет Смит која страда од алопеција.
„Џејда, те сакам. ‘G.I. Jane 2’ едвај чекам да го гледам“ – рече Крис, алудирајќи со „G.I. Jane 2“ на нејзината избричена глава.
„G.I. Jane“ е филм со Деми Мур во главната улога каде таа глуми жена која ќе си ја избричи главата за да се вклопи во специјалната воена единица.
По неговиот коментар, Џејда ги преврти очите, а Вил се качи на сцената и го удри. „Држи го името на мојата жена надвор од твојата е**** уста“ – му извика Вил два пати откако се врати на своето столче во публиката.
Видео:
Џејда отворено зборува за загубата на косата поради алопецијата.
Кратко по оваа случка, на Вил Смит му беше доделен Оскар за Најдобар актер за портретирањето на Ричард Вилијамс, таткото на тениските легенди Серена и Венус Вилијамс, во филмот „King Richard“.
Погледнете го неговиот емотивен говор по примањето на статуетката:
„Ричард Вилијамс беше смел бранител на неговото семејство. Во ова време од мојот живот, во овој момент сум обземен од она што Бог ме повикува да направам и да бидам во овој свет. Во мојот живот ме повикуваат да ги сакам и штитам луѓето“ – изјави Вил низ солзи.
„Знам дека за да го работиме ова, мора да сме способни да трпиме малтретирање, мора да можеш да трпиш луѓето да кажуваат луди работи за тебе. Во овој бизнис мора да си способен да имаш луѓе кои нема да те почитуваат и мора да се смееш и да се преправаш дека тоа е ОК“ - додаде тој.
