Елена Ристеска доби почесна награда на настан посветен на жените во Врњачка Бања во Србија.
Македонската пејачка ја прими наградата „Дама на годината - регион“, за нејзината работа, придонес и креативност.
33-годишната музичка ѕвезда сподели фотографии на социјалните мрежи и напиша: „Благодарам за наградата 'Дама на годината' за регионот - за работа, придонес и креативност. Иако повеќе ми значеа коментарите на луѓето за мојата работа и глас, чест ми беше вечерва да бидам помеѓу сите овие успешни и хумани дами. После 17 години во музиката и пред прагот на еден сосема нов бизнис - основање на мој бренд за козметика, наградата ќе ја сметам за поттик за уште поголема борбеност во овој 'машки' свет, како самостојна и независна жена.“
Елена носеше комбинација со црвено сако на церемонијата на која ја испеа својата песна „Доживотно“.
Ристеска се подготвува за лансирањето на нејзината линија козметички производи „ERA Cosmetics“.
