Викторија и Дејвид Бекам заедно зачекорија на црвениот тепих по повод доделувањето на „Модните награди“.
Познатата двојка привлекуваше погледи на свеченоста во „Ројал Алберт Хол“ во Лондон. Викторија, која е номинирана во категоријата Најдобар британски дизајнер на женска облека, носеше црна креација со нејзин потпис и винтиџ накит од 20-тиот век од Картие.
На славниот пар му се придружи и најголемиот син, Бруклин Бекам.
44-годишната дизајнерка позираше и со дизајнерот Валентино и уредникот на британскиот „Вог“, Едвард Енинфул.