Додека сите се подготвуваа за најгламурозната ноќ во Холивуд, Џенифер Лопез и Алекс Родригез го искористија денот за учество во едукативен настан.
Имено, славниот пар беше дел од проектот на младинската организација „Project Destined“, кој цели да ги обучи младите лица како да инвестираат во недвижнини и да ја зацврстат својата финансиска иднина.
48-годишната пејачка шармираше во бела деловна комбинација.
„Овој проект е толку специјален бидејќи ги учи децата како да поседуваат нешто на рана возраст. Јас сум во шоу-бизнисот веќе 25-30 години, па можеме цел ден да зборуваме за тоа, но ова е сосем друг јазик кој многумина не го знаат. Прекрасно е тоа што имаме шанса да ги учиме овие деца кои можеби немаат можност да се школуваат на Харвард, бидејќи се работи за поседување на животот, не само за поседување на имот, туку за начинот на менаџирање сè во животот“ – изјавила Џеј Ло.
Ова е втор настан во рамките на едукативната работилница во кој се вклучени Лопез и Алекс. И претходно, славната пејачка се појави во бел стајлинг.