Веста за смртта на фудбалерот Диого Жота и неговиот брат Андре одекна низ целиот свет. Многу негови колеги и соработници испратија пораки полни со сочувство кон нивното семејство.
Меѓу нив е и Кристијано Роналдо, кој објави фотографија од Диого, со кого играше во фудбалската репрезентација на Португалија, и напиша:
„Ова нема никаква смисла. Штотуку бевме заедно во Националниот тим, штотуку се венчавте. На твоето семејство, на твојата сопруга и на твоите деца им испраќам сочувство и им ја посакувам сета сила на светот. Знам дека секогаш ќе бидеш со нив. Почивајте во мир, Диого и Андре. Ќе ни недостигате“.
Диого Жота почина во сообраќајна несреќа во Шпанија заедно со својот помал брат Андре. Само пред 10 дена тој направи свадба со саканата Рут со која има три мали деца.
