Џулија Луис-Дрејфус пред само десет дена испиша историја, освојувајќи најмногу Еми статуетки за иста улога во иста серија. 56-годишната актерка по шести пат победи во категоријата Најдобра актерка во ТВ серија комедија благодарение на „Veep“.
Холивудската ѕвезда денес ги шокира своите фанови кога сподели дека боледува од рак на дојка.
„Една од осум жени добива рак на дојка. Денес јас сум едната. Добрата вест е што ја имам најпрекрасната група на роднини и пријатели кои ме поддржуваат и се грижат за мене и фантастично осигурување... Лошата вест е што не сите жени се толку среќни, па да се бориме со сите ракови и да ја направиме реалност универзалната здравствена заштита“ - пишува во нејзината порака на Instagram.