Стинг сподели сладок момент со своето внуче кое не зборува и е родено со тешки проблеми во развојот.
73-годишниот музичар едвај ги задржува солзите додека малиот Акира нежно го гали по лицето. Видеото беше споделено од сопругата на Стинг, Труди Стајлер, а беше објавено на Денот на таткото.
Во позадина се гледа мајката на момчето Мики Самнер, која им е ќерка на Стинг и Труди.
„Среќен ден на татковците и дедовците Стинго – татко и сакан Дедо. Ти благодариме за твојата грижа и љубезност, како и за сè што си за твоите деца и внуци“ – стои во описот.
@smoothradio A special moment between granddad and grandson #Sting ♬ suara asli - premium
Стинг со Акира
Мики и Акира во април 2021 година снимија фотосесија за Romper, а во интервјуто мајката раскажа за моментите кога ѝ кажале дека нејзиниот син ќе има тешки проблеми во развојот поради ретка генетска состојба.
„Тој е невербален, не оди, тешко слуша од двете уши, има хипотонија и заостанува со развојот, но и покрај тоа, може да се поврзе со луѓето на ниво на кое прави тие да се чувствуваат видени и сакани. Луѓето се чувствуваат добро во негово присуство. Тој е како сонце. Мое малечко моќно сонце“ – рекла Мики.
Стинг со сопругата
