Џанлука Ваки со емотивно изненадување ја дочека дома саканата Шерон Фонсека и нивната новородена ќеркичка Блу Џерусалема.
Во дворот на 53-годишниот милионер беа поставени бројни мечиња, слончиња и балони, а портата беше украсена со голема розова панделка. Среќната нова мајка беше пречекана и со маса со декорации и слатки со името на бебето. 25-годишната Фонсека, која се породи пред речиси една недела, не можеше да ги задржи солзите.
Видеото го споделија и двајцата на Instagram:
„Добредојде дома принцезо“ – напиша Џанлука.
„Добив топло добредојде во куќата. Мое бебенце ти ни ги исполни срцата и душите со светлина“ – напиша среќната мајка.
Шерон пред неколку дена го нарече Џанлука „најневеројатниот татко“ во сладок пост на популарната социјална мрежа.
„Изминатата недела искусив некои неизвесности, но истовремено ги имав и најубавите моменти во мојот живот. Низ сето тоа, ми ја држеше раката кралу мој. Ни ја даде силата и спокојството кои ни беа потребни. Животот нè благослови со тебе. Од првиот ден ти си најневеројатниот татко кој можев да го посакам за моето малечко“ – напиша таа.
Парот, кој е екстремно популарен на социјалните мрежи, ја доби ќеркичката во вторникот, на 27 октомври.