Добитниците на престижните награди Оскар 2016

Пред само неколку часа се спуштија завесите на најгламурозната холивудска манифестација. Како и секоја година, доделувањето на престижните награди Оскар се одржа во Долби Театарот во Холивуд.

Крис Рок ја забавуваше публиката за време на неколкучасовното наградување на најдобрите кои изминатата година се истакнаа во филмскиот свет.

Крис Рок

„Spotlight“ беше прогласен за Најдобар филм, а ја доби и наградата за Најдобро оригинално сценарио.

Леонардо Дикаприо сосем очекувано се закити со својата прва златна статуетка за Најдобар актер за филмот „The Revenant“. За Најдобра актерка беше изгласана Бри Ларсон за улогата во филмот „Room“.

Леонардо Дикаприо

Алехандро Ињариту втора година по ред ја понесува со себе статуетката за Најдобар режисер.

Бри Ларсон

Статуетката за Најдобар актер во споредна улога одлета кај Марк Рајленс за „Bridge of Spies“, а за Најдобра актерка во споредна улога беше избрана Алисија Викандер за „The Danish Girl“.

Алисија Викандер

Марк Рајленс, Бри Ларсон, Леонардо Дикаприо и Алисија Викандер

„Amy“, филмот кој ја раскажа приказната за прерано починатата Ејми Вајнхаус, доби златна статуетка за Најдобар документарен филм. Дизниевиот „Inside Out“ беше прогласен за Најдобар анимиран филм.

Сем Смит гордо ја прими наградата за Најдобра песна за „Writing’s On The Wall“ – насловната нумера за „Spectre“.

Сем Смит

„Mad Max: Fury Road“ победи во шест категории меѓу кои за Најдобар дизајн на костими и Најдобра шминка и фризура.