Гвинет Палтроу се омажи со Бред Фелчак. 46-годишната актерка и 47-годишниот режисер и продуцент се заколнаа на вечна љубов на приватна церемонија која се одржа во вила во Хемптонс.
Холивудската актерка сподели фотографија од бурмите.
Засега се објавени само неколку папараци-фотографии. Роберт Дауни Џуниор, Камерон Дијаз, Стивен Спилберг и Роб Лоу беа дел од ѕвездите кои присуствуваа на свеченоста.
Гвинет и Бред се запознаа во 2014 година на снимањето на серијата „Glee“, но за првпат ја потврдија својата врска пред јавноста во април 2015 година.
Парот се вери на почетокот од оваа година и прослави со забава во Лос Анџелес, на која присуствуваа бројни славни личности.
Гвинет претходно беше во брак со Крис Мартин со кого има две деца. Фелчак, исто така, има две деца од претходен брак.
Палтроу беше верена и со Бред Пит, со кого беше во врска три години, и имаше неколкугодишна врска со Бен Афлек.