Меган Маркл и принцот Хари имаа незаборавна авантура со двете деца во Дизниленд по повод четвртиот роденден на ќеркичката.
Во тематскиот парк во Калифорнија, кралскиот пар се забавуваше со 6-годишниот Арчи и 4-годишната Лилибет. Малите принц и принцеза возбудено ги испробуваа атракциите и се запознаа со дел од принцезите. Меган и Хари споделија фотографија од возењето на лудата железница.
„Благодариме Дизниленд што му даде на нашето семејство два дена чиста радост“ – стои во описот на видеото на Меган.
Принцезата Лилибет е родена на 4 јуни. Нејзината роденденска торта беше инспирирана од „Малата сирена“.
