„Пиратите од Карибите“ повторно ќе ги освојува филмските ентузијасти. Популарниот филм доби петто продолжение, за кое беше објавен и првиот краток трејлер.
Новиот дел од франшизата е насловен „Pirates of the Caribbean: Dead Men Tell No Tales“. Во видеото, капетан Салазар (Хавиер Бардем) го посетува Хенри (Брентон Твајтес) во затворската ќелија и му дава задача да го пронајде Џек Спароу (Џони Деп).
Филмот ќе започне да се прикажува во кино салите ширум светот на 26 мај следната година.
