Кога не е посветен на професионалните обврски, Кристијано Роналдо ужива со своето големо семејство.
Успешниот фудбалер сподели видео од релаксирана прошетка со трите мали деца и девојката Џорџина Родригез. Во видеозаписот, близначињата Ева и Матео и слатката Алана Мартина мирно си лежат во количката.
Популарниот Португалец сподели и фотографија од ручек со Џорџина, додека таа претходно покажа како ужива во џакузи со близначињата и 7-годишниот Кристијано Џуниор.
Џорџина и мајката на Роналдо постојано споделуваат фотографии од секојдневието со четирите детенца.
Само Алана Мартина е заедничко дете на Кристијано и Џорџина. Малите близнаци тој ги доби со помош на сурогат-мајка, додека идентитетот на мајката на неговиот најголем син сè уште не е познат.