Блејк Лајвли важи за една од холивудските дами со најдобар стил, а не е тајна дека таа нема ангажирано стилист. 31-годишната актерка го користи своето изострено чувство за мода при склопувањето на комбинации за секое нејзино појавување на јавни настани и свечености.
Додека го промовираше својот најнов филм „A Simple Favor“, харизматичната сопруга на Рајан Рејнолдс се појави во комбинација која се состоеше од кариран костум од францускиот дизајнер Ролан Муре, чанта од Валентино и обувки од Кристијан Лобутин.
Филмската ѕвезда на својот Instagram профил објави фотографија од својот стајлинг, но покрај илјадници комплименти, таа доби и негативен коментар на кој возврати на хумористичен начин.
„Го велам ова со многу љубов и почит кон тебе, те молам најми стилист или отпушти го оној кој ти е моментално“ – е коментарот на корисникот gabeluna.
„Благодарам за советите, господине. За жал, многупати се имам обидено да ја отпуштам Блејк Лајвли. Но, таа к**** постојано се враќа. Не сака да ме остави на мира“ – му напиша Лајвли на коментарот.
Блејк неретко е нарекувана модна икона на денешницата.
