Две недели по смртта на Метју Пери, неговата колешка и пријателка Кортни Кокс напиша емотивна порака за него.
59-годишната ѕвезда од „Пријатели“, која се прослави по улогата на Моника Гелер, сподели сцена од хит-серијата во која глумеа заедно. Во описот напиша:
„Многу сум благодарна за секој момент кој го имав со тебе Мети и ми недостигаш секој ден.“
„Кога работиш толку блиску со некој, како што работев јас со Метју, има илјадници моменти кои сакаш да ги споделиш. Засега, еве еден од моите омилени.“
„Да ви дадам малку контекст, Чендлер и Моника требаше да имаат авантура за една вечер во Лондон. Но, поради реакцијата на публиката, тоа беше почетокот на нивната љубовна приказна. Во оваа сцена, пред да започне снимањето, тој ми шепна смешна линија за да ја кажам. Често правеше така. Беше забавен и љубезен.“
Метју почина на 28 октомври. Тој бил во бесознание кога пристигнала брзата помош. Немало траги од насилство и не била пронајдена дрога. Наводно, причината за смртта била давење во џакузи.
Харизматичниот актер беше најпознат по улогата на Чендлер во „Friends“ (Пријатели).
Претходно, актерот Мет Лебланк објави емотивна порака за својот пријател.
