Манекенки парадираа низ футуристичката вила на Пјер Карден „Bubble Palace“ за да ги презентираат новите креации од ателјето на Диор.
Колекцијата ресорт 2016 на луксузниот бренд беше прикажана на екстравагантна локација на француската ривиера.
Младешката колекција била инспирирана од боите, текстурите и светлината на природниот свет на Азурниот брег, заедно со стилот на тамошните жители.
„Сакав слободата, игривоста и индивидуалноста да излезат на преден план во колекцијата“ – изјавил Раф Симонс, кој навлегол во архивата на модната куќа, посветувајќи се на архитектурата на мантилите и палтата на самиот Кристијан Диор.
Меѓу многубројните гости беа Марион Котијар, Мирослава Дума, Зои Кравиц, Тереза Палмер и Дакота Фенинг.
