„Вог“ Арабија дебитира во модниот свет. Ѕвезда во првото издание на списанието е Џиџи Хадид.
Главната уредничка, принцезата Дина Абдулазиз, појасни зошто ја избрала Џиџи: „Со една грациозна фотографија, таа испраќа илјадници зборови кон регион кој предолго чекаше неговиот Вог глас да прозбори... Колажот од земји низ арапскиот свет долго време заслужуваше место во модната историја и нема подобро прво лице да го води Вог Арабија од Џиџи.“
Фотографското дуо Инез и Винуд беше задолжено за фотографите, додека Брендон Максвел беше ангажиран за стајлингот.
