Утре (15 декември) во трговскиот центар Рамстор ќе се одржи хуманитарно дружење со популарниот женски бенд Фрајле.
Во периодот од 11 до 12.30 часот сите посетители ќе имаат можност да се фотографираат со талентираните девојки и да добијат нивни автограм, а со купувањето на нивниот албум „Љубав на дар“ секој ќе донира за Здружението за борба против рак „Борка“. Имено, 100 денари од сумата на купениот диск ќе биде наменета за помагање на лицата кои се соочиле со оваа тешка болест.
Настанот е организиран од Магнетик, Еурофарм аптеки, ЦМ Делта и Ребека накит.
Не пропуштајте да ги запознаете Наташа, Марија, Јелена и Невена и да донирате од срце за оние кои се исправени пред голем животен предизвик.