Фотографка со порака ги замолува гостите да престанат да фотографираат со телефоните на свадбите и да уживаат во моментот.
Хана Стенли ја напиша објавата на Facebook откако нејзините фотографии од важен момент на свадбата биле уништени од гостинка со iPhone. Имено, додека невестата чекорела кон олтарот со татко си, Хана се обидувала да го овековечи моментот, но една од гостинките ѝ влегла во кадар фотографирајќи со мобилен телефон.
Еве ја нејзината порака во целост:
До девојката со iPhone-от:
Не само што ми ги уништи фотографиите, туку им го одзеде овој момент на зетот, невестата и таткото на невестата. Што точно планираш да правиш со таа фотографија? Биди искрена. Дали ќе ја испечатиш? Ќе ја зачуваш? Ќе ја гледаш секој ден? Не. Нема. Но, мојата невеста ќе ја испечатеше оваа фотографија, често ќе ја гледаше и ќе се сеќаваше на моментот кога нејзиниот татко ја испрати до олтарот на нејзиниот свадбен ден. Но, наместо тоа, ти сакаше да направиш фотографија со твојот iPhone, блокирајќи го мојот поглед и правејќи фотографија која нема да ја користиш.
Гости, ве молам престанете да ги гледате свадбите на кои присуствувате преку екран. Исклучете го вашиот телефон и уживајте во церемонијата. Вие им сте важни на зетот и невестата, немаше да бидете присутни доколку не им бевте. Па затоа ве замолувам, оставете ме да си ја работам мојата работа, а вие седнете, релаксирајте се и уживајте во овој момент кој се случува еднаш во животот.
Објавата на Хана поттикна лавина од коментари. Но, додека едни ја поддржуваат и сметаат дека гостите не треба да фотографираат со мобилните телефони на свадбите, други се категорични дека работа на фотографот е да ги заобиколи таквите гости и да пронајде добар агол за фотографирање, а пак трети пак велат дека свадбата е голем момент и за роднините и дека тие сакаат да имаат спомен од моментот.
Хана
