Душан Кртолица е мал уметник со голем талент. Цртежите на 11-годишното момче од Белград ги одушевија нашите соседи, а сега го обиколуваат и светот.
Флората и фауната преовладуваат во делата на трпеливиот Душан, кој започнал да црта уште на двегодишна возраст. Засега тој може да се пофали со пет самостојни изложби.
Деталните цртежи се доказ за неговото познавање на анатомијата на животните и растенијата и укажуваат на неговата голема желба да биде зоолог.
„Ќе бидам зоолог... Односно, би сакал да бидам зоолог, а цртањето да ми биде само хоби“ – изјавил тој за Al Jazeera.